【數碼營銷懶人包】用 SEO、SEM 做網絡營銷有咩分別？

成日都聽人講 SEM、SEO，究竟佢哋同網絡營銷有咩關係？

上集介紹完咩係 Digital Marketing（ 數碼營銷），今集等 HelloToby 為大家介紹 SEM 同 SEO 呢兩種宣傳手法啦！

今次我哋繼續邀請到 SEO公司 SDMC ，為大家介紹吓 Digital Marketing 入面抱住重要角色嘅 搜尋行銷（Search Marketing）係乜嘢，等你可以加深了解對 Digital Marketing 同網上營銷嘅認識，幫助公司推廣！

大家平時上網搜尋資訊、產品或者服務嘅時候，有冇諗過搜尋結果頁面上嘅次序係點樣決定出嚟？其實搜尋頁面上嘅結果由兩部分組成，你可能都知最上面嘅通常都係廣告，呢部份就係 搜尋引擎營銷（SEM）。而廣告下面嘅部份就屬於 搜尋引擎優化（SEO）範疇，我哋會喺下面再作解釋。

下面嘅圖片顯示咗 SEO、SEM 喺搜尋結果頁面嘅位置。

搜尋行銷嘅英文係 Search Marketing，主要就係講公司可以點樣透過 Marketing，令公司網頁喺搜尋引擎頁面（ SERP）上排得較前，繼而增加人們禁入去、購買產品或服務嘅機會。隨著近年網上商業蓬勃發展，搜尋行銷呢個概念亦都喺10年前左右開始興起，唔少中小企都會選擇呢種宣傳方法嚟做網上推廣。

下面就等我哋為你講解下 SEM 同 SEO 有咩分別，以及使用兩者做 網絡營銷（Online Marketing）嘅好壞處啦。

1）搜尋引擎營銷（Search Engine Marketing）是什麼？

搜尋引擎營銷即係 SEM，係一種主要嘅網絡營銷方式，主要由 付費廣告組成。根據外國 digital marketing 公司嘅研究發現，有大約15%嘅人會click 排喺網頁最高位置嘅付費廣告，依個比率其實都算多。

消費者喺搜尋結果頁面上可能會見到最多幾個廣告，背後就係使用點擊付費（Pay Per Click，PPC）嘅方式。每當使用者點擊廣告造訪網站嘅時候，搜尋引擎就會計算收費。通常各大搜尋引擎例如 Google、 Bing同 Yahoo都係以一個click或者1,000次曝光（ Impression，即顯示次數）來計算收費。

做SEM／PPC推廣有咩好處？由於呢種推廣方式係直接比錢 Google 買 keywords，所以最大嘅好處就係可以針對目標受眾，喺短時間内幫你帶動網站人流，吸引使用者介意瀏覽你嘅網頁，繼而增加佢哋購買你產品或者服務嘅機會。

既然用 SEM 可以咁有效推廣公司，想唔想即刻搵番個專家試下做網上宣傳？HelloToby 上有好多專業嘅 SEM 專家，可以幫你做好網絡營銷！

即睇 SEM 搜尋引擎營銷

2）SEO 網站優化（Search Engine Optimization）是什麼？

至於 SEO 嘅運作方式就完全唔同。決定廣告下面搜尋結果排序嘅，係 Google （或者其他搜尋引擎）背後嘅搜尋引擎演算法（ Search Algorithm）。透過分析網頁內容、內部同外部連結數目等因素，搜尋引擎會自行排出次序。但呢個次序唔係永恒不變，會因應網站內容更新嘅時間同其他因素而改變。

咁做 SEO 又有咩重要性呢？相對用 SEM 賣廣告，SEO 可以幫助企業吸引網站人流，增加佢地瀏覽你公司產品或者服務頁面嘅機會。由於 SEO 牽涉太多因素，所以建議企業聘請專業嘅 SEO 人員，專門負責監察網站喺搜尋結果頁面上嘅表現，繼而增加公司網站人流。

睇完即刻想搵番個 SEO 專家做網絡營銷？

即睇 SEO 網站優化

3）搜尋引擎營銷（Search Engine Marketing）同搜尋引擎優化（Search Engine Optimization）有什麼分別？

3.1）SEM 需要付費，SEO 就係免費

如果使用 SEM 嘅話，企業需要俾錢搜尋引擎例如 Google，等用戶搜尋某啲關鍵字嘅時候，你俾錢買嘅廣告內容會出現。目前其中一個最知名嘅 SEM 工具就係 Google Ads 關鍵字廣告。相反，SEO就係免費嘅，通常都由公司某個專責部門或者對外聘請 SEO 公司負責。話雖如此，其實 SEO 都需要成本，只不過成本唔係直接比搜尋引擎，而係時間、人力同機會成本。

3.2）SEM 著眼短期回報，SEO 就講求細水長流

由於 SEM 係公司比錢比搜尋引擎，喺網頁上 target 某啲關鍵字，所以推廣效果會比較快。SEM 人員往往可以挑選多用戶搜尋嘅關鍵字。相反，SEO 嘅目標往往係長遠睇個網站流量，並透過優化網頁上嘅標籤、圖片、關鍵字、內容同網站結構等進行。由於牽涉咁多因素，所以往往需要等搜尋引擎嘅觀察，可能要等一年半載先會見到成效。

3.3）SEM 嘅數據分析較有系統，SEO 嘅分析就比較多元

SEM 比 SEO 嘅數據分析一般較有系統。SEM 嘅廣告收益比較容易計算，花咗幾多錢就比較有幾多收益，所以佢嘅投資回報率（ROI）都比較容易統計。相反，SEO 嘅衡量因素主要係站內數據，例如自然流量、關鍵詞排名同埋網站訪客逗留時間等。因為要衡量 SEO 成效有咁多關鍵指標，所以 SEO 喺數據分析方面比較多元。

但相同嘅係，SEM 同 SEO 都係要不斷投入先能夠維持業績。 SEM 價錢同 SEO 價錢視乎網絡營銷公司嘅規模、往績同服務內容有所不同。企業喺投資 SEM 同 SEO前，記得先查清楚，然後雙管齊下，咁就可以吸引搜尋引擎同客戶，有效做好網絡營銷（Online Marketing）啦！

想做埋其他營銷服務，例如 Facebook 營銷、 Instagram 營銷、 Google 營銷、 Yahoo 營銷、 Bing 營銷、 微信營銷、 百度營銷或者係 SMS 短訊營銷？HelloToby 都有相應嘅 Marketing 人才，一定能夠運用合適嘅宣傳方法幫你做網上宣傳！